الاثنين، 12 نونبر 2012

الدنيا دوارة

 الدنيا دوارة  
  بناسها غدارة
 اليوم ها هي معاك
  تجيك بالبشارة
 و غدا تعطيك بالظهر
  توريك الخسارة
 لاش تآمن ليها
  تمشي مع هواها
 و هي الباطل فيها
  الغدر دواها

 الدنيا زينة نوارة
 ألوانها زاهية غرارة
 والناس ضايعين فيها
  في غابة مطيارة
  فيهم المسكين المغلوب 
  فيهم ديابة حكارة
 فيهم المظلوم و الظالم
 و فيهم الهارب من عيشة قطارة  
 عايشين فيها كيف الخيط
 في قلب الجرارة
 تدور بنا أيامها       
 في ساقيةدوارة
 ما ليها صاحب يشريها
 بالمال يرشيها
 ما فيها حزارة 
 الوجوه مألوفة 
 والسوق بيناتهم شطارة
 الضحكة مولودة 
 و العين تحكي بالدمعة المرارة

 الدنيا عشاقة
 بناسها ملالة
 و قلوب بفعالها ساكتة صبارة
 الطريق واحدة 
 و الزاد شكارة مختارة
 و بين الخير و الشر
 حكاية عقول محتارة

هناك 4 تعليقات:

  1. هى هكذا عجلة الآيام ...ومن يعيى الدرس سوف يكون قرير العين ....ويسعى بين جنبات الحياة بطمئتينة أهل الآيمان الراجح والعمل المقبول ...

    ردحذف
    الردود
    1. هذه هي الحياة

      أسعدني مرورك أستاذي و راقتني فلسفتك في الحياة

      تحيتي الصادقة

      حذف
  2. هادي هي الدنيا أستاذة منار تحياتي لحروفك العميقة

    ردحذف
    الردود
    1. و تحية معطرة لأجمل زهرة

      بوركت

      حذف